... Mae Yr Arglwydd biau'r ddaear lawr yn emyn gan Edmwnd Prys...

Mae Yr Arglwydd biau'r ddaear lawr yn emyn gan Edmwnd Prys (1544 - 1623)


Yr Arglwydd biau'r ddaear lawr,
A'i llawnder mawr sy'n eiddo;
Yr Arglwydd biau yr holl fyd,
A'r bobl i gyd sydd ynddo.


Cans ef a roes ei sail a'i gwedd
Yn rhyfedd uwch y moroedd
Ac a'i gosododd hi yn lân,
Yn drigfan uwch llif-ddyfroedd.


Er hynny, pwy a ddringai'n hy
I gysegr fry yr Arglwydd?
A phwy a saif â theilwng wedd,
Yn ngorsedd ei sancteiddrwydd ?


Dyn â llaw lân, a meddwl da
Ac yn ddidraha'i enaid,
Diorwag, ac ni roes un tro
Er twyllo'i gyfneseifiaid


Fe gaiff hwn gan yr Arglwydd wlith
Ei raslawn fendith helaeth,
A bydd cyfiawnder i'r cyfryw
Gan Dduw yr iachawdwriaeth.


Dyrchefwch, byrth, eich pennau'n glau,
Ehengwch, ddorau bythol!
Cans Brenin mawr ddaw i'ch mewn chwi —
Brenin o fri gogonol.


Pwy, meddwch, ydyw'r Brenin hwn,
A gofiwn ei ogoniant?
Iôr lluoedd ydyw, Brenin hedd,
Gogonedd, a phob ffyniant.





  Go to top  

This article is issued from web site Wikisource. The original article may be a bit shortened or modified. Some links may have been modified. The text is licensed under "Creative Commons - Attribution - Sharealike" [1] and some of the text can also be licensed under the terms of the "GNU Free Documentation License" [2]. Additional terms may apply for the media files. By using this site, you agree to our Legal pages [3] [4] [5] [6] [7]. Web links: [1] [2]