... Mae Cariad Duw yn emyn gan Dr George Lewis DD....

Mae Cariad Duw yn emyn gan Dr George Lewis DD (1763 – 1822).


Cariad Duw sydd fawr ryfeddod
Cariad yw ogoniant Duwdod
Cariad Duw sy'n ddi-ddechreuad
Cariad Duw anfonodd Geidwad.


Cariad Duw sy'n ddi-gyffelyb
Cariad Duw arfaethodd achub
Cariad drefnodd y Gwaredwr
Cariad ffurfiodd gorph i'r Prynwr.


Cariad roddodd bla ar Iesu
Cariad barodd iddo chwysu
Cariad ddugodd Grist i'r lladdfa
Cariad lwyddodd ar Galfaria.


Cariad Duw sy'n tirion alw
Cariad sy'n bywhau y marw
Cariad sy'n cyfrannu'n helaeth
Cariad byth ni ddannod eilwaith.


Cariad Duw sy'n maddeu pechod
Cariad Duw yw sail y Cymmod
Cariad sy'n dileu anwiredd
Cariad sydd yn cuddio camwedd.


Cariad sydd yn gwisgo'r noethion
Cariad sy'n iachau y cleifion
Cariad Duw sy'n nerthu'r gweiniaid
Cariad Duw sy'n dal eiddiliaid.


Cariad Duw sy'n gwledda'r seintiau
Cariad sydd yn llonni eneidiau
Cariad Duw sy'n eu rhagflaenu
Cariad sy'n eu hamgylchynu.


Cariad Duw sy'n ddigyfnewid
Cariad ddwg y saint i'r gwynfyd
Cariad sy'n eu dyfal ddilyn
Cariad Duw sy'n eu hamddiffyn.


Cariad Duw sy'n gwenu'n siriol
Cariad Duw sy'n gweithio'n nerthol
Cariad! hyfryd briodoledd
Cariad Duw sydd yn ddi-ddiwedd.


Cariad Duw dyn golyn angeu
Cariad gyfyd gyrph y seintiau
Cariad arddel hwynt ar gyhoedd
Cariad Duw fydd cam y nefoedd.




  Go to top  

This article is issued from web site Wikisource. The original article may be a bit shortened or modified. Some links may have been modified. The text is licensed under "Creative Commons - Attribution - Sharealike" [1] and some of the text can also be licensed under the terms of the "GNU Free Documentation License" [2]. Additional terms may apply for the media files. By using this site, you agree to our Legal pages [3] [4] [5] [6] [7]. Web links: [1] [2]