... Mae Sarah Louise Green yn ddynes fusnes ac yn wleidydd Democratiaid Rhyddfrydol Prydain sydd wedi bod yn Aelod Seneddol (AS) dros Chesham ac Amersham ers 2021. Green yw'r Democratiaid Rhyddfrydol cynt...
Sarah Green
AS
Delwedd:Sarah Green by-election photo.jpg
Green yn 2021
Aelod Seneddol
dros Chesham ac Amersham
Deiliad
Cychwyn y swydd
17 Mehefin 2021
Rhagflaenwyd ganCheryl Gillan
Mwyafrif8,028 (21.2%)
Manylion personol
GanedEbrill 1982 (39 oed)
Corwen, Clwyd
DinesyddCymraes
Plaid gwleidyddolDemocratiaid Rhyddfrydol
Alma mater
Gwefansarahgreen.org.uk

Mae Sarah Louise Green[1] (ganwyd Ebrill 1982) yn ddynes fusnes ac yn wleidydd Democratiaid Rhyddfrydol Prydain sydd wedi bod yn Aelod Seneddol (AS) dros Chesham ac Amersham ers 2021. Green yw'r Democratiaid Rhyddfrydol cyntaf i gynrychioli'r etholaeth, a oedd o'r blaen yn Geidwadol ers ei chreu ym 1974. Hi hefyd yw ail AS olynol yr etholaeth a anwyd yng Nghymru.[2]

Bywyd ac addysg gynnar

Ganwyd Green ym mis Ebrill 1982 yng Nghorwen, Clwyd, Cymru.[2] Astudiodd ym Mhrifysgol Aberystwyth a Phrifysgol Fetropolitan Manceinion. Hi oedd cadeirydd IR Cymru (Rhyddfrydwyr Ifanc Cymru bellach) yn ystod ei chyfnod yn Aberystwyth. Mae hi'n siarad Cymraeg yn rhugl.[2]

Gyrfa gynnar

Sefydlodd Green y cwmni marchnata a chyfathrebu Green and Ginger yn 2014.[3] Roedd ei phrofiad blaenorol yn cynnwys gweithio i Euromonitor International a Kantar TNS.

Dewiswyd Green fel ymgeisydd y Democratiaid Rhyddfrydol ar gyfer etholaeth Ynys Môn ar gyfer etholiad cyffredinol 2005. Gorffennodd yn bumed y tu ôl i'r ymgeiswyr Llafur, Plaid Cymru a'r Ceidwadwyr, yn ogystal ag un annibynnol.[4] Fe wnaeth hi sefyll nesaf yn Arfon yn etholiad cyffredinol 2010, lle gorffennodd yn bedwerydd y tu ôl i ymgeiswyr Plaid Cymru, Llafur a'r Ceidwadwyr.[5]

Gyrfa seneddol

Ar 4 Ebrill 2021, bu farw’r Fonesig Cheryl Gillan, cyn Ysgrifennydd Gwladol Cymru yn y llywodraeth glymblaid ac AS Chesham ac Amersham ers 1992, o ganser. Yn dilyn hynny, cafodd Green ei ethol yn AS dros y sedd yn yr isetholiad ym mis Mehefin 2021, gyda 21,517 o bleidleisiau (56.7%) - fwyafrif o 8028 (21.2%) ar ogwydd o 25.2% o'r Ceidwadwyr i'r Democratiaid Rhyddfrydol.[6] Green yw'r trydydd AS yn unig i gynrychioli'r etholaeth yn ei hanes 47 mlynedd. Yn ei haraith fuddugoliaeth, galwodd Green ar bleidleiswyr i “wrthod camreoli Ceidwadol” ac addawodd i “barhau â’r gwaith o ddwyn y Llywodraeth hon i gyfrif am adael i Covid rwygo drwy’r cartrefi gofal. Byddwn yn codi llais dros y tair miliwn o bobl sydd wedi'u gwahardd o gymorth ariannol trwy gydol y pandemig a byddwn yn herio Boris Johnson i fod yn llawer mwy uchelgeisiol wrth fynd i'r afael â newid yn yr hinsawdd, cefnogi ein gweithwyr rheng flaen a chefnogi ein busnesau bach."[7]

Cyfeiriadau

  1. "Amersham a Chesham poll" (PDF). Cyngor Buckinghamshire.
  2. 1 2 3 "Welsh speaker in shock by-election win in Chesham and Amersham". Nation.Cymru (yn Saesneg). 2021-06-18. Cyrchwyd 2021-06-21.
  3. "Green and Ginger Communications". Green and Ginger Communications (yn Saesneg). Cyrchwyd 2021-06-21.
  4. "BBC NEWS | Election 2005 | Results | Ynys Mon". news.bbc.co.uk. Cyrchwyd 2021-06-21.
  5. "BBC News | Election 2010 | Constituency | Arfon". news.bbc.co.uk. Cyrchwyd 2021-06-21.
  6. "Chesham and Amersham: Lib Dems overturn big Tory majority in by-election upset". BBC News (yn Saesneg). 2021-06-18. Cyrchwyd 2021-06-21.
  7. "Lib Dems in shock win at Chesham and Amersham by-election". Bucks Free Press (yn Saesneg). Cyrchwyd 2021-06-21.
Senedd y Deyrnas Unedig
Rhagflaenydd:
Cheryl Gillan
Aelod Seneddol dros Chesham ac Amersham
2021
Olynydd:
presennol




  Go to top  

This article is issued from web site Wikipedia. The original article may be a bit shortened or modified. Some links may have been modified. The text is licensed under "Creative Commons - Attribution - Sharealike" [1] and some of the text can also be licensed under the terms of the "GNU Free Documentation License" [2]. Additional terms may apply for the media files. By using this site, you agree to our Legal pages [3] [4] [5] [6] [7]. Web links: [1] [2]