actores a cantores o Gymraes ... Actores a chantores o Gymraes yw Olwen Eluned Rees....
Olwen Rees
Ganwyd1945 Edit this on Wikidata
Dinasyddiaeth Cymru
Galwedigaethactor, canwr Edit this on Wikidata
MamSassie Rees Edit this on Wikidata

Actores a chantores o Gymraes yw Olwen Eluned Rees (ganwyd 8 Rhagfyr 1945).[1]

Bywgraffiad

Ganwyd Olwen Rees yng Nghaernarfon yn ferch i Sassie Rees, cantores oedd yn ymddangos ar raglenni radio i blant yn y 1950au a 1960au. Fe astudiodd drama a cherddoriaeth yng Ngholeg y Normal, Bangor. Ar ôl blwyddyn yn dysgu yn Llandudno dilynodd Olwen ôl-traed ei mam drwy ddod yn actores a chantores broffesiynol.

Mae hi'n briod a'r actor a chantor Johnny Tudor.[2]

Gyrfa

Mae wedi ymddangos yn nifer o gynyrchiadau Cymraeg ar gyfer y BBC a S4C yn cynnwys Y Stafell Ddirgel, Y Rhandir Mwyn, Gwen Tomos a Y Wisg Sidan. Yn Saesneg mae wedi cymryd rhan yn rhaglenni teledu Tartuffe, Strife, Sticky Wicket, Lloyd George a Dylan i'r BBC a Fallen Hero ar gyfer Granada. Yn fwy diweddar mae wedi ymddangos fel Mrs Hargreaves yn Doctors a Nerys, y fam annifyr yn My Family.

Rhwng 2003 a 2014 roedd yn chwarae rhan Lena yn y sebon i bobl ifanc Rownd a Rownd. Fe chwaraeodd ran Muriel yng nghyfres Porthpenwaig a Beti Morris yng nghyfres cyntaf y ddrama 35 Diwrnod.

Mae hi'n aelod sylfaen o gwmni Theatr Pena ac yn gadeirydd y bwrdd.[3]

Cyfeiriadau

  1.  Manylion cyfarwyddwr Ty'r Cwmniau. FindTheCompany. Adalwyd ar 20 Mai 2016.
  2. Proffil Theatr Pena[dolen marw]; Adalwyd ar 2015-12-02
  3.  Theatr Pena - Who we are. Adalwyd ar 20 Mai 2016.

Dolenni allanol





  Go to top  

This article is issued from web site Wikipedia. The original article may be a bit shortened or modified. Some links may have been modified. The text is licensed under "Creative Commons - Attribution - Sharealike" [1] and some of the text can also be licensed under the terms of the "GNU Free Documentation License" [2]. Additional terms may apply for the media files. By using this site, you agree to our Legal pages [3] [4] [5] [6] [7]. Web links: [1] [2]