pentref a chymuned yng Ngwynedd ... Pentref gweddol fawr a chymuned yng Ngwynedd yw Llanrug. Saif 4 milltir i'r gorllewin o dref Caernarfon, 7 milltir i'r de o Fangor ar y briffordd A4086 rhwng Caernarfon a Llanberis sydd 3 milltir i'r ...
Llanrug
Mathcymuned, pentref Edit this on Wikidata
Cylchfa amserUTC±00:00 Edit this on Wikidata
Daearyddiaeth
SirGwynedd Edit this on Wikidata
Gwlad Cymru
Cyfesurynnau53.148°N 4.193°W Edit this on Wikidata
Cod SYGW04000086 Edit this on Wikidata
Cod OSSH534634 Edit this on Wikidata
Gwleidyddiaeth
AC/auSiân Gwenllian (Plaid Cymru)
AS/auHywel Williams (Plaid Cymru)

Pentref gweddol fawr a chymuned yng Ngwynedd yw Llanrug ( ynganiad ). Saif 4 milltir i'r gorllewin o dref Caernarfon, 7 milltir i'r de o Fangor ar y briffordd A4086 rhwng Caernarfon a Llanberis sydd 3 milltir i'r gogledd orllewin.

Llifa Afon Rhythallt heibio'r pentref, gan newid ei henw i Afon Seiont ar ôl llifo dan Bont Rhythallt. Mae ysgol uwchradd Ysgol Brynrefail yma. Yn fras, saif tua hanner ffordd rhwng Afon Menai a'r Wyddfa. I'r dde o'r pentref gwelir ucheldir Cefn Du; i'r de-ddwyrain cwyd yr Wyddfa a'i chriw, ac i'r dwyrain y ddwy Elidir gyda thomennydd y chwarel llechi.

Llanrug yw'r pentref mwyaf yn ardal Arfon yn sir Gwynedd gyda'r canran uchaf (81%) o siaradwyr Cymraeg a phoblogaeth o tua 2,500. Enw gwreiddiol y pentref oedd Llanfihangel-yn-y-Grug a enwyd ar ôl yr eglwys Sant Mihangel sydd tua hanner milltir i'r gorllewin o'r pentref.

Cyfleusterau

Ceir ysgol gynradd o tua 300 disgybl ac ysgol uwchradd Brynrefail sydd a thros 700 o ddisgyblion. Mae dwy siop nwyddau cyffredinol (Londis a Spar) a dau dy tafarn yn y pentref gyda gwestai a pharc gwyliau ar gyrion y pentref.

Ar y sgwâr ceir swyddfa'r Post ac mae yna siop sglodion, cigydd, delicatesent a barbwr ychydig gamau i lawr ffordd yr Orsaf. Mae gwasanaeth bwsiau'n rhedeg yn rheolaidd drwy'r pentref i gysylltu a Chaernarfon, Llanberis, Waunfawr, Deiniolen a Bangor.

Chwaraeon

Mae Clwb Pêl-droed Llanrug Unedig yn rhedeg dau dîm oedolion a thimau ieuenctid. Ffurfiwyd y clwb yn 1922 ac maent wedi chwarae eu gemau cartref ar Gae Eithin Duon ers 1970. Yn ystod yr 80au a'r 1990au fe ffilmiwyd rhai golygfaon o C'mon Midffild.

Cyfrifiad 2011

Yng nghyfrifiad 2011 roedd y sefyllfa fel a ganlyn:[1] [2] [3]

Cyfrifiad 2011
Poblogaeth cymuned Llanrug (pob oed) (2,911)
 
100%
Y nifer dros 3 oed sy'n siarad Cymraeg (Llanrug) (2,302)
 
82.4%
:Y ganran drwy Gymru
 
19%
Y nifer sydd wedi'u geni yng Nghymru (Llanrug) (2353)
 
80.8%
:Y ganran drwy Gymru
 
73%
Y nifer dros 16 sydd mewn gwaith (Llanrug) (346)
 
29.8%
:Y ganran drwy Gymru
 
67.1%

Pobl o Lanrug

Cyfeiriadau

  1. "Ystadegau Allweddol ar gyfer Cymru". Swyddfa Ystadegau Gwladol. Cyrchwyd 2012-12-12.. Poblogaeth: ks101ew. Iaith: ks207wa - noder mae'r canran hwn yn seiliedig ar y nier sy'n siarad Cymraeg allan o'r niferoedd sydd dros 3 oed. Ganwyd yng Nghymru: ks204ew. Diweithdra: ks106ew; adalwyd 16 Mai 2013.
  2. Canran y diwaith drwy Gymru; Golwg 360; 11 Rhagfyr 2012; adalwyd 16 Mai 2013
  3. Gwefan Swyddfa Ystadegau Gwladol; Niferoedd Di-waith rhwng 16 a 74 oed; adalwyd 16 Mai 2013.

Gweler hefyd

Dolenni allanol





  Go to top  

This article is issued from web site Wikipedia. The original article may be a bit shortened or modified. Some links may have been modified. The text is licensed under "Creative Commons - Attribution - Sharealike" [1] and some of the text can also be licensed under the terms of the "GNU Free Documentation License" [2]. Additional terms may apply for the media files. By using this site, you agree to our Legal pages [3] [4] [5] [6] [7]. Web links: [1] [2]